Што цікавага і незвычайнага паведамляе пра парламенты і выбары «Кніга рэкордаў Гінеса»:
    * Самым старым з існуючых сёння заканадаўчых сходаў з'яўляецца альтынг у Ісландыі, заснаваны ў 930 годзе;
    * Больш за ўсіх у свеце дэпутатам парламента быў Йожэф Мадарас. Упершыню ён трапіў у парламент Венгрыі ў 1832-36 гг. у якасці даверанай асобы дэпутата, які адсутнічаў. Затым быў паўнапраўным дэпутатам парламента ў 1848-50-х гадах і з 1861 г. - да самай смерці ў 1915-м - усяго 83 гады;
    * Самая працяглая бесперапынная прамова ў гісторыі сената Злучаных Штатаў была зроблена сенатарам ад штата Арэгон Уэйнам Морсам 24-25 красавіка 1953 года. Пры абмеркаванні законапраекта аб прыбярэжных нафтавых радовішчах без перапынку сенатар гаварыў 22 гадзіны і 26 хвілін;
    * Самае грубае скажэнне вынікаў галасавання зафіксавана ў ходзе прэзідэнцкіх выбараў у Ліберыі ў 1927 годзе. Прэзідэнт Чарлз Д.Б. Кінг быў перавыбраны, атрымаўшы, па афіцыйных звестках, на 234 тыс. галасоў больш, чым ягоны сапернік. Прэзідэнт Кінг прэтэндаваў на большасць галасоў, якая ў 15,5 раза перавышала агульную колькасць выбаршчыкаў;
    * Беспрэцэдэнтную перавагу ў галасах у ходзе парламенцкіх выбараў (4.726.112 галасоў, або 89,4 працэнта) атрымаў Барыс Ельцын 26 сакавіка 1989 года ў час выбараў у Вярхоўны Савет СССР.